Saturday, 21 November 2026

Contact Info

  • ADDRESS: Street, City, Country

  • PHONE: +(123) 456 789

  • E-MAIL: your-email@mail.com

  • Home  
  • PRAKASAM: ISRO రాకెట్లు.. 5G సేవలు దేశంలో ముందుకు.. కానీ నల్లమలలో ఇంకా సిగ్నల్?
- Good Morning Andhra

PRAKASAM: ISRO రాకెట్లు.. 5G సేవలు దేశంలో ముందుకు.. కానీ నల్లమలలో ఇంకా సిగ్నల్?

PRAKASAM ప్రకాశం జిల్లా – వింతలు, విశేషాలు ఒంగోలు ఎద్దులు దేశవ్యాప్తంగా ప్రసిద్ధి. చీమకుర్తి గ్రానైట్ ప్రపంచ మార్కెట్‌లో గుర్తింపు పొందింది. భైరవకొండ గుహాలయాలు చారిత్రక ప్రాధాన్యం కలిగి ఉన్నాయి. రామాయపట్నం తీర ప్రాంతం పర్యాటక ఆకర్షణ. వ్యవసాయం మరియు ఖనిజ సంపద ఈ జిల్లాలో ముఖ్యమైనవి. నల్లమలలో ఇంకా నెట్ సమస్య యర్రగొండపాలెం 30 గ్రామాల్లో సిగ్నల్ లేదు మొబైల్ నెట్ లేక ప్రజల అవస్థలు నల్లమలలో సెల్ టవర్లకు డిమాండ్ అత్యవసర సేవలకు కూడా […]

PRAKASAM
ప్రకాశం జిల్లా – వింతలు, విశేషాలు
ఒంగోలు ఎద్దులు దేశవ్యాప్తంగా ప్రసిద్ధి.
చీమకుర్తి గ్రానైట్ ప్రపంచ మార్కెట్‌లో గుర్తింపు పొందింది.
భైరవకొండ గుహాలయాలు చారిత్రక ప్రాధాన్యం కలిగి ఉన్నాయి.
రామాయపట్నం తీర ప్రాంతం పర్యాటక ఆకర్షణ.
వ్యవసాయం మరియు ఖనిజ సంపద ఈ జిల్లాలో ముఖ్యమైనవి.

నల్లమలలో ఇంకా నెట్ సమస్య
యర్రగొండపాలెం 30 గ్రామాల్లో సిగ్నల్ లేదు
మొబైల్ నెట్ లేక ప్రజల అవస్థలు
నల్లమలలో సెల్ టవర్లకు డిమాండ్
అత్యవసర సేవలకు కూడా నెట్ సమస్య
ఉద్యోగులు, విద్యార్థులకు ఇబ్బందులు
గిరిజన గ్రామాల్లో డిజిటల్ సమస్యలు
నెట్ సదుపాయం కల్పించాలంటూ ప్రజల విజ్ఞప్తి

దేశం అంతరిక్ష రంగంలో వేగంగా ముందుకు సాగుతోంది. ఇస్రో నుంచి తరచూ రాకెట్లు ప్రయాణించి ఉపగ్రహాలను గగనతలంలోకి పంపుతున్నాయి. భారత్ త్వరలోనే పూర్తిస్థాయి జీపీఎస్ నావిగేషన్ వ్యవస్థను అందుబాటులోకి తీసుకురానుందన్న వార్తలు వినిపిస్తున్నాయి. మరోవైపు టెలికం సంస్థలు 5జీ సేవలను క్రమంగా గ్రామాల వరకు విస్తరిస్తామని ప్రకటిస్తున్నాయి.

ఇలాంటి అభివృద్ధి వార్తలు వినగానే చాలా మంది ఆశ్చర్యంతో ‘ఔరా!’ అనక మానరు. కానీ మార్కాపురం జిల్లా యర్రగొండపాలెం నియోజకవర్గంలోని నల్లమల అటవీ ప్రాంతంలో నివసిస్తున్న ప్రజలు మాత్రం ఈ మాటలు వింటే ‘చాలు చాల్లే’ అంటూ నిరాశ వ్యక్తం చేస్తున్నారు.

కారణం ఏమిటంటే నల్లమల అభయారణ్యంలోని సుమారు 30 గ్రామాల్లో ఇప్పటికీ మొబైల్ ఫోన్ సిగ్నల్ సరిగా అందడం లేదు. దీంతో గ్రామ ప్రజలు మాత్రమే కాకుండా అక్కడ పనిచేస్తున్న ప్రభుత్వ ఉద్యోగులు, సిబ్బంది కూడా తీవ్ర ఇబ్బందులు ఎదుర్కొంటున్నారు.

గతంలో మావోయిస్టుల ప్రభావం ఎక్కువగా ఉన్న సమయంలో నల్లమల ప్రాంతంలో సెల్ టవర్ల ఏర్పాటు పై కొన్ని పరిమితులు ఉండేవి. భద్రతా కారణాల వల్ల టెలికం మౌలిక సదుపాయాల అభివృద్ధి మందగించింది. ప్రస్తుతం అలాంటి పరిస్థితులు లేకపోయినా కూడా అనేక గ్రామాల్లో నెట్వర్క్ సమస్యలు కొనసాగుతున్నాయి.

దీంతో అత్యవసర పరిస్థితుల్లో కూడా మొబైల్ ఫోన్ ద్వారా సమాచారం అందించడం కష్టంగా మారుతోంది. విద్యార్థులు ఆన్‌లైన్ సేవలు పొందడంలో ఇబ్బందులు పడుతున్నారు. ప్రభుత్వ సేవలు, డిజిటల్ సదుపాయాలు అందుబాటులోకి రావడంలో కూడా ఆటంకాలు ఏర్పడుతున్నాయి.

నల్లమల ప్రాంతంలో సెల్ టవర్లను ఏర్పాటు చేసి మెరుగైన నెట్వర్క్ సదుపాయం కల్పించాలని స్థానిక ప్రజలు ప్రభుత్వాన్ని కోరుతున్నారు. త్వరగా చర్యలు తీసుకుని గ్రామాలకు మొబైల్ కనెక్టివిటీ అందించాలని డిమాండ్ చేస్తున్నారు.

ఈ సమస్యపై మరిన్ని వివరాలను మా మార్కాపురం జిల్లా కరెస్పాండెంట్ ప్రశాంత్ కుమార్ అందిస్తారు.

Leave a comment

Your email address will not be published. Required fields are marked *